Светскиот ден на книгата и авторското право се прославува на 23 април секоја година. Овој ден има големо значење во историјата на светската култура. Луѓето од различно културно потекло, различна земја и етничка припадност заедно го одбележуваат овој ден кој го слави читањето книги.
Воспоставен од УНЕСКО во 1995 година, овој ден го одбележува придонесот на книгите, авторите, издавачите и библиотеките низ целиот свет.
Во продолжение сервираме компилација од цитати посветени на книгата:
– Отсекогаш сум замислувал дека рајот ќе биде еден вид бибилиотека – Хорхе Луис Борхес.
– Куќа без книги е како соба без прозорци – Хајнрих Ман.
– Да запомниме: Една книга, едно пенкало, едно дете и еден наставник можат да го променат светот – Малала Јусуфзаи.
– Соба без книга е како тело без душа – Марко Тулиј Цицерон.
– Добри пријатели, добри книги и сонлива совест: ова е идеален живот – Марк Твен.
– Читањето е разговор. Сите книги зборуваат. Но, добрата книга и слуша – Марк Хадон.
– Никогаш не верувај му на оној што не носи книга со себе – Лемони Сникет.
– Личноста, било да е господин или дама, којa не наоѓа задоволство во добар роман, мора да е нетолерантно глупава – Џејн Остин.
– Не постои поверен пријател од книгата – Ернест Хемингвеј.
– Ако ги читаш само книгите што ги читаат другите, го размислуваш само она што другите го мислат – Харуки Мураками.
– Секоја книга што ќе ја земеш има сопствени лекции и често лошите книги повеќе те учат од добрите – Стивен Кинг.
– Родена сум со листа за читање што никогаш нема да ја завршам – Мод Кејси.
– Знаеш дека си прочитал добра книга кога ќе ја свртиш последната страница и ќе се почувствуваш како да си изгубил пријател – Пол Свини.
– Постои повеќе богатство во книгите отколку во пленот на сите пирати на Островот на богатството – Волт Дизни.
– Ако постои книга што сакаш да ја прочиташ, но сè уште не е напишана, тогаш мораш да ја напишеш – Тони Морисон.
– Див и луд викенд вклучува седење на предниот трем, пушење цигара и читање книга – Роберт М. Гејтс.