Трчањето се смета за една од најдобрите вежби за подобрување на физичката и ментална состојба, а ако го правите редовно, тоа ги јакне коските и мускулите и ја подобрува функцијата на кардиоваскуларниот систем. Освен тоа, помага за контрола на стресот и за губење килограми. Но почетниците би требало да обратат внимание на неколку работи, за да стекнат здрава навика.
Опремата е многу важна, па затоа инвестирањето во нови патики и облека може да биде дополнителна мотивација. Патиките треба да бидат удобни и да имаат перничиња на петиците, кои го ублажуваат ударот. А облеката треба да биде лесна и прозрачна.
Загревањето, ладењето и регенерацијата мора да бидат дел од рутината. Со загревањето се подобрува циркулацијата и се намалуваат зкочанетоста и ризикот од повреди. Тоа може да биде прошетка или петминутно истегнување. Исто така, ладењето не треба да се прескокнува, бидејќи е важно да се врати нормалниот пулс.
Можете да трчате секој втор ден, телото да може да се одмори и да се приспособи на притисокот на кардиоваскуларниот систем, а мускулите да се подготват за следното трчање. На почетокот трчајте на помали растојанија, со интервали на одење, со умерено темпо. Со текот на времето, зголемувајте ги и дистанцата и темпото.
Извор: НоваМакедонија