Актерот Меколи Калкин, ѕвездата на филмот „Сам дома“ и неговата партнерка Бренда Сонг, добија син. Познатиот актер првпат стана татко на 40 години. Дакота Сонг Калкин е роден на 5 април во Лос Анџелес, открил парот за магазинот „Екваер“. Синот го крстиле по починатата сестра на Калкин.
Среќните родители долго ја криеле бременоста на Бренда, а Калкин претходно зборувал за својата желба да основа семејство со Бренда.
-Многу работиме на тоа – се пошегувал тој во февруари минатата година. „Затоа што ништо не те возбудува повеќе од тоа кога твојата сакана влегува во собата и ти вели: „Љубов, јас овулирам“.
Тој открил дека сака деца и во подкастот на Џо Роган на крајот на 2019 година, кога исто така рекол дека „многу вежбаат“.
Калкин и Сонг се во врска од 2017 година. Актерот претходно беше во врска со Мила Кунис, речиси девет години, пред да раскинат во јануари 2011 година.
Извор: Слободен Печат