Како најава за повторното објавување на првиот (вистински) албум на непрежалениот Џон Ленон и неговата животна партнерка, јапонскиот концептуална уметница Јоко Оно, објавено е видео за новата верзија на песната „Look at me“.
Со ова видео можеме малку да навлеземе во интимата на нивниот дом снимен уште во 1968 година. Во спотот можете да видите некои реквизити кои со текот на времето станаа култни делови од наследството на Ленон, како што е предната мембрана на бас тапан од корицата на „Sgt. Pepper’s Lonely Hearts Club Band” и исправеното пијано на холандските уметници Маријка Когер и Сајмон Постхум. На видеото може да се видат и членови на филмската екипа, што навистина јасно ги покажува условите на кои биле изложени Ленон и Оно во тоа време. Скоро без приватни и интимни моменти, постојано пред будното око на камерата.
Видеото е најава за објавување на луксузниот сет на првиот албум на дури 9 ЦД-а кои содржат 149 песни, поточно разни обиди, демо-верзии и неуспешни снимки од времето на подготовката на овој запис.
Извор: muzika24.mk