Ако сте биле обожаватели на познатата шесторка – Рос, Моника, Џои, Чендлер, Фиби и Рејчел, добрата вест е конечно тука.
Иако уште во февруари минатата година беше потврдено дека ќе се снима специјална епизода на „Пријатели“, пандемијата во голема мера ги наруши плановите. Сепак, сега е повеќе од сигурно дека „Пријатели“ ќе се вратат на малите екрани со епизодата „The One Where They Got Back Together “.
Џенифер Анистон, Кортни Кокс, Дејвид Швимер, Мет Лебланк, Лиза Кудроу и Метју Пери ќе започнат нови авантури, а следните недела ќе се снимаат првите сцени во Лос Анџелес, што е повеќе од одлична вест за сите што се радуваат на враќање на една од најомилените серии на сите времиња.
Дејвид Швимер, попознат во серијата како Рос Гелер, беше гостин во „Graham Norton Show“ каде го откри датумот на новото снимање. Имено, по тоа интервју минатиот викенд, тој отпатува за Лос Анџелес да се сретне со неговите стари пријатели.
– Денес одам во Лос Анџелес каде го снимаме продолжението на „Пријатели“. Едвај чекам да ги видам сите по толку време – потврди тој.
Тоа е епизода што ќе прикаже повторна средба на пријатели по многу разделени години, рече Швимер.
Снимањето на филмот „Пријатели“ заврши во 2004 година, а серијата ја имаше својата премиера на каналот NBC во 1994 година, и со текот на времето стана една од најуспешните и најпопуларните серии во историјата на телевизијата.
Последната епизода ја гледаа 52,5 милиони луѓе во Америка – тоа беше најгледаната епизода на телевизија во 2000-тите.
Серијата се здоби со нова генерација фанови преку Нетлфикс во последните неколку години – во 2018 година, таа беше втора најпопуларна серија на овој стриминг сервис.
Наводно, секој од актерите ќе заработи околу 17 милиони долари за следната специјална епизода. Епизодата ќе се емитува на услугата за стриминг HBO Max, која ќе започне да се емитува во мај. Датумот сè уште не е објавен.
Правата на серијата HBO Max ги купи за 425 милиони долари.
– Мислам дека можете да ја наречете оваа епизода онаа каде што тие се повторно заедно – ги собираме Дејвид,Џенифер, Кортни, Мет, Лиза и Метју за специјалното издание на HBO Max што ќе се емитува заедно со сите претходни сезони на пријатели – рече Кевин Рајли со каналот ХБО.
Актерите ќе бидат вклучени во производството на епизодата.
Преземено од: mms.mk